IA (adimen artifiziala) SEOren funtsezko zati bihurtzen ari da, webguneen errendimendua hobetzen laguntzen du, edukiak berridatziz, datuak aztertuz eta erabakiak hartzen lagunduz.
Gogora dezagun zer den SEOa
SEO edo bilaketa-motorren optimizazioa, bilaketa-motorretan errendimendu organikoa hobetzeko, web gune baten edukia eta alderdi teknikoak optimizatzeko prozesua da, hau da, bilatzaileetan (Google, Bing, etab.) egiten ditugun bilaketetan gure web orria ahalik eta lehenago ager dadin egin beharreko lan teknika multzoa.
Diseinatzaile edo programatzaileak web gunearen edukia erakargarria eta garrantzitsua izatea lortu behar du, bai bisitatzen duen erabiltzailearentzat, bai bilaketa-motorrentzat. Kasu askotan, horrek edukia informazio berriarekin eguneratzea edo dagoen edukia berrikustea esan nahi du.
Eta hemen batzen ditugu Adimen Artifiziala eta SEO
Lehenik eta behin, IA bilaketa-motorren algoritmoen funtzionamenduan aspalditik dela funtsezkoa esan behar dugu; beraz, ez da harritzekoa gure web gunerako optimizazio-estrategia bat osatzeko ere tresna oso garrantzitsua izatea.
Adimen artifizialak SEOri dakarkion onura handienetako bat datuak bolumen handian aztertzeko aukera da, SEOko espezialista baten lana askoz errazagoa izan dadin, azterketa azkarragoa eta zehatzagoa egiten baitu.
Adibidez, Adimen Artifizialeko programa errebote-tasa aurresateko, banakako saioen iraupena kalkulatzeko, marketin-kanpainen eragina neurtzeko eta abarretarako erabil daiteke, hau da, gure web orria bisitatzean gure erabiltzaileek zer portaera duten aztertzeko eta webgunea hobetzeko behar diren doikuntzak egiteko.
Eta beste puntu garrantzitsu bat, Adimen Aartifizialarekin edukia sortzea
Noizbait eduki berria (beti kalitatezkoa) idatzi behar izan duen edonork daki honek zer lan duen. Landu beharreko gaiaren ideia pentsatze hutsetik hasi eta eduki guztia idazteraino.
Artikulu honen hasieran esan dugun bezala, IAk gure webgunearen edukia hobetzen lagun diezaguke, eta honekin batera hutsetik eduki berriak sortzen ere lagun diezaguke. Azken bolaran ospetsua egin den ChatGPT bezalako aplikazioek edukiak idazteko lanak automatiza ditzakete, horrela denbora aurreztuz eta SEOren estrategiaren beste alderdi batzuetan kontzentratzeko aukera emanez. Baina kontuz, horrelako programek spama edo testu faltsua ere sor dezakete batzuetan, edo akatsak ere egin ditzakete; beraz, ez da ahaztu behar gure giza ukitua beharko duela hori berrikusi eta azken ukituak emateko.
Hala, garrantzitsua da azpimarratzea IAk ez duela SEO ordezkatzen, tresna osagarri gisa erabili behar da, emaitza onenak lortzeko plangintza arduratsua eta erabilera estrategiko zuzena behar dituelarik.
Laburbilduz, adimen artifizialaren eta SEOren konbinazioa lagungarria izan daiteke posizionamentu egokia lortzeko. Adimen Artifizilakeko tresnak gako-hitz berriak aurkitzeko, edukia sortzeko, gure webgunea optimizatzeko eta erabiltzaile-esperientzia hobetzeko erabiltzean, SEO tekniketan dugun zehaztasuna hobetu dezakegu.
Modu estrategikoan eta planifikatuan erabiltzen bada, IA oso tresna baliagarria izan daiteke bilaketa-motorretan posizionamendua hobetu nahi duen edozein negoziorentzat.
