.eus domeinuen 10 urteak ospatzeko sustapen berezia
.eus domeinuak hamar urte bete ditu abian jarri zenetik, eta, urtebetetze hau ospatzeko, .eus domeinu bat 10 euroren truke erregistratzeko kanpaina jarri dute abian. Kontuan izanik .eus domeinuak normalean 19 eta 25 € artean kostatzen direla (non erregistratzen duzun arabera), domeinu horietako bat erosteko asmoa baduzu, agian promozio hau aprobetxatzeko aukera aztertu beharko zenuke.
Web orri bat izatearen ideia buruan baldin badabilkizu, gogoan izan lehenbizi domeinu-izen bat erregistratu behar duzula. .EUS domeinua erregistratzean, zure webgunea sortzeko edo posta-kontuak sortzeko erabil dezakezu. Eta zergatik ez, zuk baino lehenago beste batek ez dezan izen hori erregistratu.
Kontuan izan domeinuaren izena zure marka bezala izango dela Interneten, eta hori oso garrantzitsua da. Beraz, lehenik eta behin, ondo pentsatu zer izenekin ezagutzea nahi duzun, eta, gero noski domeinu edo izen hori libre dagoen edo ez begiratu beharko duzu. Domeinu-izena libre ez badago, beste pertsona edo erakunde batek erregistratua duela esan nahi du; beraz, ezingo duzu erregistratu.
Zalantzarik izan ezkero, jarri lasai gurekin harremanetan. INNOVAn prozesu osoan aholkatuko zaitugu, domeinu-izena eta bere luzapenaren hautaketatik hasi eta egiaztatze eta erregistro prozesua barne.
