Agur Instagram eta Facebook-eko iragarkiei, ordaintzen baduzu, bestela esanda, Meta, bere datuak utzi nahi ez dizkieten Europako erabiltzaileei kobratzen hasiko da.

Bai, oraingoan ez da gezurra. Erabiltzaile batzuek mezu bat aurkitu dugu gaur goizean gure Meta zerbitzuan, hau da, edo hileko harpidetza bat ordaintzen dugu iragarkirik ez agertzeko, edo doan jarraitzen dugu beti bezala iragarkiak ikusten eta, gehigarri hau da garrantzitsua, gure datuak Metari uzten dizkiogu enpresak haiekin negozioa egin dezan.

Opzio berri hau EBk ezarritako araudiari ihes egiteko modu bat bezala erabiltzen hasi dira. Europatik etorri zen araudi berriaren arabera, Meta enpresak ezin zien erabiltzaileei beren jarduera arakatzen zuten iragarki pertsonalizatuak onartzera derrigortu. Beraz, Metak, modu berri honen bidez, Europako legeria berrira egokitzen direla argudiatu dezake, aukera ematen baitie erabiltzaileei datuak ez lagatzeko, baina noski horretarako, erabiltzaileak, Meta atalera harpidetu eta hilero ordainketa bat egin behar du (ez da merkea gainera, kontuan izanik, streaming-plataforma batzuen kostua bere parean dagoela edo gainditu ere egiten duela). Beraz, azkenean esan genezake, erabiltzaile gehienak “behartuta daudela”, «Facebook doan erabili» botoia aukeratzera.

Egia esan, hori beti egin izan du. Hau da, urteetan zehar, sare sozialak “doakoak” izan dira, ez ziren ordaintzen, baina esaten den bezala, zerbait doakoa denean, azkenean ez da hain doakoa izaten. Ez zenuen diruarekin ordaintzen ez, baina Meta automatikoki sartzen zen zure gailuetgara zure datu pertsonalak jasotzera (cookieak), horixe baizen benetan interesatzen zitzaiona eta gaur egun ere hori egiten jarraitu nahi du. Informazioa boterea da, eta Meta enpresarentzat, gure gailuetatik jasotzen duen informazioak ematen dio geroago publizitate guztia kudeatzeko aukera, eta horrekin irabazten du dirua.

Zure datuak Metari ez pasatzea eta ondorioz harpidetza ordaintzea erabakiko duzun horietakoa bazara, bi modu daudela jakinaraziko dizugu, eta, bitxia badirudi ere, harpidetza ez da berdin kostatzen modu batera edo bestera egin:

• Android-en, Instagramen edo Facebooken aplikaziotik: 12,99 euro.
• Metari zuzenean ordainduz (beraien webgunearen bidez): 9,99 euro.

Zergatik diferentzia? azalpen erraz bat du, app-tik ordaintzean, Googlek portzentaia bat hartzen du, eta, jakina, Meta-k portzentaia hori guk ordaintzea erabaki du. Beraz, harpidetzea egitea interesatzen bazaizu, Facebook edo Instagramen webgunearen bidez zuzenean egitea gomendatzen dizugu.

Albiste hau irakurri ondoren, baliteke harrituta egotea, zure facebookean edo instagramean sartu zarelako eta ez zaizulako inolako mezurik azaldu. Lasai, hori Meta abisuak astiro bidaltzen ari delako da. Oraindik guzti hau prozesuan dago; beraz, ez kezkatu, oraindik mezurik atera ez bazaizu, aterako zaizu eta.