Web orria oraindik ere funtzionala zen, baina enpresa batentzat beti da ona Interneten erakusten duen irudia berritzea, batez ere, beranduegi izan baino lehen eta web orriak akatsak izaten hasi edo erasoen aurrean zaurgarria izan baino lehen.
Diseinu berriak lehengo egitura antzekoa du, gure zerbitzuei buruz informatzeaz gain (diseinu grafikoa, web orriak, 3Dko infografiak, bideo-erreportajeak, dron aire-zerbitzuak, argazki-erreportajeak,e tab.) gure portfolioa eta bloga, diseinuari eta, oro har, mundu digitalari buruzko berriekin, erakusten dira bertan.
Web-diseinu responsive bat da, hau da, mota guztietako gailuetan eta nabigatzaileetan behar bezala ikusteko prestatua, beti ere diseinu garbi eta argia erabiliz. Bere interfazeak, erabiltzaileei web gunean mugitzeko modu erraz eta intuitiboa eskaintzen die, informazioa azkar eta esfortzurik gabe aurkituz.
Irudi eta testu berriak erraz sartzeko aukera ematen duen edukien kudeatzailea du.
Domeinuak SSL ziurtagiri bat du aktibatuta, erabiltzaileentzat webgunea gune seguru eta konfiantzazko gune gisa identifikatuz.
Eta, jakina, webgunea SEO posizionamendurako prestatu da, edukiak behar bezala indexatzeko, bai euskaraz bai gaztelaniaz.
